Ons bied aan u 'n wye verskeidenheid dienste met betrekking tot die verhuising van u waardevolle besittings. As u ons kontak sal 'n konsultant u behulpsaam wees met die beplanning en uitwerking van 'n kwotasie. Van hierdie punt af kan u begin ontspan, want ons professionele span spring dan in om alles te hanteer.

U kan verwag dat u trek doeltreffend hanteer sal word, sonder bekommernisse sal verloop en op tyd sal geskied.

Indien nodig sal ons u help met inpak van u besittings of u voorsien van die nodige verpakkingsmateriaal.

Ons spesiale verpakkingsmateriaal is ontwerp om u besittings te beskerm teen onvoorspelbare gebeurlikhede soos krapmerke, vuilheid en klamheid.

Meubels soos matrasse en sitkamerstelle wat met materiaal oorgetrek is word toegedraai in duursame plastiese buise vir ekstra beskerming.

Enige skilderye, geraamde prente, spieëls of breekbare artikels word toegedraai in skokabsorberende "bubble wrap".

Klere word in spesiaal vervaardigde bokse (waarin die klere gehang kan word) vervoer sodat dit u bestemming kreukelloos bereik.

Daar is ook spesiaal vervaardigde bokse en kratte beskikbaar vir alle tipe artikels wat wissel vanaf breekbaar tot eetware, CD's en komberse.

Ons kan ook reël vir die veilige vervoer van troeteldiere en ander voertuie indien nodig. Ons deur-tot-deur diens waarborg dat u diere en voertuie by u afgehaal en afgelewer word sonder dat u, u daaroor ook hoef te bekommer. Verblyf is ook vir troeteldiere beskikbaar in 'n uitstekende dierehotel indien nodig.

Gratis omvattende versekering (Goods in Transit) van Santam is beskikbaar om u goedere te beskerm teen gebeurlikhede soos skade, brand, skaking, voertuigongelukke ensovoorts, tot 'n waarde van R40 000-00. Indien nodig kan addissionele versekering verskaf word om by u behoeftes te pas. Dit is ook 'n goeie idee om u versekeraar vooraf in kennis te stel van die besonderhede van die trek.